Vegna umfjöllunar um fjárheimildir Framkvæmdasjóðs ferðamannastaða
Vegna umfjöllunar um fjárheimildir Framkvæmdasjóðs ferðamannstaða vill fjármála- og efnahagsráðuneytið taka fram að ríkisstjórnin ákvað fyrr í sumar að brýnt væri að veita fjármunum til nauðsynlegra verkefna til að standa að framkvæmdum til auka öryggi ferðafólks og varna skemmdum á ferðamannastöðum. Í samræmi við ákvæði fjárreiðulaga hyggst fjármála- og efnahagsráðherra leita formlegrar fjárheimildar í frumvarpi til fjáraukalaga þessa árs. Ráðuneytið mun á næstu dögum jafnframt upplýsa fjárlaganefnd Alþingis frekar um málið eins og venja er í tilvikum sem þessum.