Tvö störf við launagreiningu og innleiðingu jafnlaunastaðals
Fjármála- og efnahagsráðuneytið auglýsir eftir tveimur starfsmönnum í fullt starf til að aðstoða stofnanir ríkisins við launagreiningar og innleiðingu jafnlaunastaðals. Kynning og fræðsla er stór þáttur í störfunum en í þeim felst einnig aðkoma að stefnumörkun í mannauðsmálum ríkisins og þá sérstaklega hvað varðar greiningu og framsetningu tölfræði sem og gerð tillagna um aðgerðir til launajöfnunar kynjanna.
Menntunar og hæfniskröfur:
- Menntun sem nýtist í starfi.
- Þekking á aðferðafræði ásamt reynslu í greiningu og framsetningu tölfræðiupplýsinga.
- Kunnátta og reynsla sem nýtist í starfi, s.s. af jafnréttismálum og/eða kjaraumhverfi ríkisins. Þekking á Oracle, mannauðskerfi ríkisins, er ótvíræður kostur.
- Góð íslenskukunnátta og færni í að tjá sig í ræðu og riti. Að auki er krafist færni í ensku og einu Norðurlandamáli.
- Samstarfs- og samskiptahæfileikar.
- Frumkvæði, sjálfstæði í vinnubrögðum og skipulagshæfni.
Um launakjör fer samkvæmt kjarasamningi Félags háskólamenntaðra starfsmanna Stjórnarráðsins og fjármála- og efnahagsráðherra f.h. ríkissjóðs. Viðkomandi þurfa að geta hafið störf sem fyrst. Ráðuneytið hvetur karla jafnt sem konur til að sækja um störfin.
Nánari upplýsingar veita Guðný Harðardóttir hjá STRÁ ehf., og Gunnar Björnsson hjá fjármála- og efnahagsráðuneytinu.
Vinsamlega sendið umsóknir ásamt upplýsingum um menntun og fyrri störf til [email protected] eigi síðar en 4. mars 2013.
Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum. Öllum umsóknum verður svarað þegar ákvörðun um ráðningar liggur fyrir.