Framboð vinnuafls 2008

Úr Vefriti fjármálaráðuneytisins 7. febrúar 2008 - þú getur gerst áskrifandi að vefritinu.

Fjármálaráðuneytið hefur að venju áætlað framboð vinnuafls í ár eftir landshlutum og mánuðum.

Þessi áætlun er meðal annars notuð við útreikning á hlutfalli skráðs atvinnuleysis sem Vinnumálastofnun birtir mánaðarlega yfir árið. Áætlunin er gerð í svokölluðum ársverkum, sem eru mælikvarði á magn framboðsins.

Gert er ráð fyrir því að að meðaltali verði framboð vinnuafls í ár 162.600 ársverk sem er nær óbreytt frá endanlegu mati ráðuneytisins fyrir árið 2007. Nokkur tilflutningur verður þó á framboðinu milli landshluta eins og kemur fram í töflunni hér fyrir neðan.

Mest aukning á framboðnu vinnuafli er á Suðurnesjum en fólksfjölgun hefur verið mest þar en hins vegar dregur mest úr framboðinu á Austurlandi þar sem framkvæmdum er að mestu lokið. Hinn mikli aðflutningur vinnuafls sem átt hefur sér stað að undanförnu hefur gert nokkuð erfitt um vik að fylgja eftir breytingum á framboði vinnuafls. Eins og hingað til mun verða reynt að gera breytingar á áætluninni yfir árið eftir því sem nýjar upplýsingar gefa tilefni til.

Framboð vinnuafls eftir landshlutum 2008

Hlutfallsleg breyting frá fyrra ári