Skipulag
Fjármálaráðuneytið starfar samkvæmt
- lögum nr. 115/2011 um Stjórnarráð Íslands frá 23. september 2011 og
- forsetaúrskurði nr. 125/2011 um skiptingu stjórnarmálefna milli ráðuneyta í Stjórnarráði Íslands frá 28. september 2011.
Samkvæmt 17. gr. laganna skipuleggur ráðherra ráðuneyti sitt með því að skipta því upp í skrifstofur og skal hverri skrifstofu stýrt af skrifstofustjóra undir yfirstjórn ráðuneytisstjóra.
Skipulag ráðuneytisins er í meginatriðum þannig:
- Ráðuneytisstjóri stýrir ráðuneytinu undir yfirstjórn ráðherra. Ráðherra felur einum skrifstofustjóra ráðuneytisins að vera staðgengill ráðuneytisstjóra.
- Með ráðherra starfar aðstoðarmaður.
- Skrifstofu eða sviði ráðuneytis stýrir skrifstofustjóri.
- Sérfræðingar starfa innan einstakra skrifstofa eða sviða. Sama gildir um annað starfsfólk. Skrifstofustjórum eru sett erindisbréf en sérfræðingar starfa skv. starfslýsingu.
Ráðuneytið starfar sem ein heild og skiptist í fjórar skrifstofur og tvö svið. Skrifstofurnar eru: (a) fjárlagaskrifstofa, (b) fjárreiðu- og eignaskrifstofa, (c) starfsmannaskrifstofa og (d) tekju- og skattaskrifstofa. Sviðin eru lögfræðisvið og rekstrar- og upplýsingasvið. Ráðuneytisstjóri stýrir starfi ráðuneytisins samkvæmt erindisbréfi í umboði ráðherra og annast samræmingu á starfsemi skrifstofa og sviða og felur einum starfsmanna hverrar skrifstofu og sviðs staðgöngu fyrir skrifstofustjóra í fjarveru hans.
