Verkefnisstjórn um útbreiðslu og notkun rafrænna skilríkja
Fjármála- og efnahagsráðherra hefur skipað verkefnisstjórn sem hefur það hlutverk að fylgja eftir sameiginlegri viljayfirlýsingu ráðuneytisins og Samtaka fjármálafyrirtækja um að stuðla að útbreiðslu og notkun rafrænna skilríkja.
Í viljayfirlýsingunni er m.a. kveðið á um stefna beri að því að gera rafræn skilríki að meginauðkenningarleið fólks vegna ýmiss konar rafrænnar þjónustu og viðskipta á netinu.
Verkefnisstjórnin er þannig skipuð:
- Hugrún Ösp Reynisdóttir, sérfræðingur, fjármála- og efnahagsráðuneytið, formaður
- Skúli Eggert Þórðarson, ríkisskattstjóri.
- Yngvi Örn Kristinsson, hagfræðingur, Samtök fjármálafyrirtækja