Nr. 44/2001. Staðgreiðsla opinberra gjalda árið 2002.

19.12.2001

Fréttatilkynning
Nr. 44/2001


Fjármálaráðuneytið ákveður staðgreiðsluhlutfall hvers árs og er það samtala af tekjuskattshlutfalli samkvæmt lögum um tekjuskatt og eignarskatt og útsvarshlutfalli eins og það er að meðaltali samkvæmt ákvörðunum sveitarstjórna. Tekjuskattshlutfall á árinu 2002 verður 25,75% sem er 0,33% lægra en á yfirstandandi ári. Meðalútsvar á árinu 2002 samkvæmt fyrirliggjandi ákvörðunum sveitarstjórna verður 12,79% en þetta hlutfall er 12,68% á yfirstandandi ári. Meðalútsvarshækkun milli ára er því 0,11%. Staðgreiðsluhlutfall á árinu 2002 verður því 38,54% samanborið við 38,76% á þessu ári. Lækkun á milli ára verður því 0,22%.

Sveitarfélögin geta ákveðið útsvar á bilinu 11,24% til 13,03%. Af 122 sveitarfélögum ætla 68 þeirra að innheimta hámarksútsvar en 4 sveitarfélög verða með lágmarksútsvar. Útsvarshlutfallið hækkar hjá 85 sveitarfélögum á árinu 2002 en 37 sveitarfélög eru með óbreytt útsvarshlutfall.

Áætlað er að á árinu 2002 innheimtist um 105 milljarðar króna fyrir ríki og sveitarfélög með staðgreiðslu opinberra gjalda. Þar af renna um 54 milljarðar króna til sveitarfélaga en um 51 milljarðar króna til ríkissjóðs.

Meðfylgjandi er listi yfir útsvarshlutfall einstakra sveitarfélaga.

Listi yfir útsvarshlutfall einstakra sveitarfélaga



 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Fjármálaráðuneytinu, 19. desember 2001


Senda grein




Flýtival



Tungumál