Sett skrifstofustjóri skrifstofu efnahagsmála og fjármálamarkaðar

Guðrún útskrifaðist sem lögfræðingur frá Háskóla Íslands árið 1998 og öðlaðist árið 2000 réttindi til málflutnings fyrir héraðsdómi. 

Hún starfaði sem lögfræðingur  í iðnaðar- og viðskiptaráðuneytinu og síðar iðnaðarráðuneytinu frá 2005 til 2011. Þar áður starfaði hún hjá ríkisskattstjóra og var deildarstjóri virðisaukaskattsdeildar 2002 til 2004 og deildarstjóri lögfræðideildar frá 2004 til 2005.

Guðrún hóf störf á skattaskrifstofu fjármála- og efnahagsráðuneytisins árið 2011 og hefur verið staðgengill skrifstofustjóra.  Jafnframt hefur hún gegnt formennsku í stjórn tryggingarsjóðs innstæðueigenda og fjárfesta.

Guðrún hefur í störfum sínum í Stjórnarráðinu sinnt formennsku í fjölmörgun nefndum og starfshópum á sviði atvinnumála og skattamála.