Útreikningar dæma vegna lækkunar höfuðstóls húsnæðislána

Fjármála- og efnahagsráðuneytið hefur gert útreikninga sem sýna fimm dæmi um möguleg áhrif aðgerða stjórnvalda til lækkunar á höfuðstóli húsnæðislána á dæmigerð heimili.

Fyrirvari: Heildarumfang leiðréttingar liggur fyrir að afstöðnu umsóknarferli. Útreikningum er aðeins ætla að gefa vísbendingar um líkleg áhrif. Þá ber að hafa í huga að frumvarpið er ekki orðið að lögum og getur tekið breytingum í meðförum Alþingis sem geta haft áhrif á niðurstöður.

Forsendur: Um er að ræða verðtryggt jafngreiðslulán með föstum 4,5% vöxtum. Forsendur um verðbólgu eru 3,5% á ári og 288 gjalddagar (24 ár) eru eftir af lánum. Fjárhæð þegar fenginnar beinnar niðurfærslu er breytileg eftir eftirstöðvum og endurspeglar hún meðaltöl niðurfærslu eftir eftirstöðvum lána samkvæmt gögnum fjármála- og efnahagsráðuneytis. Gert er ráð fyrir að heimili nýti sér séreignarsparnaðarleið til fulls, þ.e. 1,5 milljón á þremur árum. Breytingar ráðstöfunartekna endurspegla breytingar þegar bein niðurfærsla og séreignarsparnaðarleið hafa verið nýttar til fulls. Búið er að reikna til frádráttar fyrri úrræði sem heimili hafa notið.