Embætti skrifstofustjóra í fjármála- og efnahagsráðuneyti
19 sóttu um embætti skrifstofustjóra á skrifstofu stjórnunar og umbóta í fjármála- og efnahagsráðuneytinu, sem auglýst var laust til umsóknar þann 22.mars síðastliðinn.
Frestur til að sækja um stöðuna rann út 15. apríl.
Sérstök hæfnisnefnd, skipuð þremur einstaklingum, sbr. 19. gr. laga nr. 115/2011 um Stjórnarráð Íslands, metur hæfni umsækjenda og skilar greinargerð til ráðherra sem skipar í embættið. Niðurstaða hæfnisnefndar er ráðgefandi við skipun í embættið, sbr. 2.mgr. 19.gr. laga um Stjórnarráð Íslands.
Hæfnisnefndina skipa Auður Bjarnadóttir, ráðningarstjóri hjá Capacent, Sigríður Auður Arnardóttir, skrifstofustjóri skrifstofu umhverfis og skipulags í umhverfis- og auðlindaráðuneytinu og Sverrir Jónsson, staðgengill skrifstofustjóra rekstrarsviðs í fjármála- og efnahagsráðuneytinu. Nefndin hefur þegar komið saman og gerir ráð fyrir að skila ráðherra niðurstöðum sínum um miðjan maí.
Reglur um ráðgefandi nefndir er meta hæfni umsækjenda um embætti við Stjórnarráð Íslands.